33 danir, sum hava verið í Dubai og hildið frí, vístu seg at vera smittaðir við korona, hóast teir vóru testaðir negativir áðrenn teir fóru umborð á flogfarið, sum førdi teir aftur til Danmarkar.
- Út av 50 fólkum, sum hava verið í Dubai í januar, eru 33 testað positiv fyri korona, skrivar Magnus Heunicke, heilsumálaráðharri, á Twitter.
Hann sigur, at einasti tilburður av sonevnda suðurafrikanska frábrigdinum, sum er funnið í Danmark, eisini er komið úr Dubai.
Hóskvøldið steðgaðu danskir myndugleikar allari flúgving ímillum Danmark og Dubai, fyribils í fimm dagar, tí kanningarnar sum eru gjørdar í Dubai hava víst seg ikki at vera eftirfarandi.
Um tú veitst okkurt, sum VP ikki veit - skriva so til vp@vp.fo
