Tórshavnar kommuna: - Lutirnir og søgurnar, sum gestirnir síggja á framsýningini, staðfesta, at talan ikki bara er um 75 ár, síðani veraldarbardagin endaði, men at lívið og sinnalagið í Havnini og í øllum Føroyum broyttist undir krígnum, og at vit bóru minnini og hendingarnar í Norðuratlantshavi við okkum víðari á leiðini.
Soleiðis segði Gunvør Balle, forkvinna í mentanarnevnd Tórshavnar býráðs, tá ið framsýningin Havnin undir krígnum lat upp fyri tveimum vikum síðani.
Higartil hava 529 fólk sæð framsýningina, sum er opin allar dagar í viku frá kl.11-17.
Á framsýningini er nógv áhugavert at síggja. Hernaðarútgerð, kjólar, atgongumerki til dans, móta- og seymibløð, føroysk tíðarrit og nógv, nógv annað.
Vaksin rinda 50 krónur og børn 0-16 sleppa inn ókeypis.
Um tú veitst okkurt, sum VP ikki veit - skriva so til vp@vp.fo