Sambært ovasta ráðgevanum hjá bretsku stjórnini eru 60 prosent av teimum sum verða innløgd á sjúkrahús við koronasjúku, koppsett tvær ferðir.
Á einum tíðindafundi í Downing Street í dag segði Patrick Vallance at roknað verður við at yvir 1000 persónar hvønn dag verða innlagdir framyvir á sjúkrahús við koronasjúkuni, skrivar Sky News.
Smittuøking hevur verið í Onglandi seinastu tíðina millum bæði ikki koppsett og koppsett.
– Vaksinurnar eru sera effektivar, men ikki 100 prosent effektivar, so tað slepst ikki undan at nøkur av teimum sum eru koppsett við tveimum prikum, kunnu gerast smittað og innløgd á sjúkrahús, sigur Vallance.
Ikki langt eftir at ráðgevin hevði sagt hesi tíðindini, so kom rættingin, sum sæst niðast undir greinini.
Tey 60 prosentini eru fólk sum ikki eru koppsett, rættar hann.
Sixty percent of people being admitted to hospital with COVID-19 have had two doses of a coronavirus vaccine, according to the government's chief scientific adviser Sir Patrick Vallance https://t.co/h9cl4PaVVq
— Sky News (@SkyNews) July 19, 2021
Correcting a statistic I gave at the press conference today, 19 July. About 60% of hospitalisations from covid are not from double vaccinated people, rather 60% of hospitalisations from covid are currently from unvaccinated people.
— Sir Patrick Vallance (@uksciencechief) July 19, 2021
Um tú veitst okkurt, sum VP ikki veit - skriva so til vp@vp.fo
