Fyrra nyndin undir hesi greinini er samlað inntøka, sum er øll inntøka tilsamans áðrenn skatt.
Ein lítil helvt, 48%, av persónunum liggja millum 0 og 250.000 í inntøku í 2018, vísur yvirlit hjá Hagstovuni.
Ein góður triðingur, 34%, liggur millum 200-400.000.
Ein fjórðingur, 25%, liggja millum 400.000 og 1 millión, og um 2%, ella 832 persónar, høvdu eina inntøku yvir milliónina í 2018.
Niðasta myndin er eftir at allur skattur og gjøld eru drigin frá, er talið av persónum í teimum ymsu inntøkubólkunum nakað broytt.
Eftir samlaðari inntøku – áðrenn skatt - vóru yvir 15.000 føroyingar í teimum niðastu bólkunum – millum 0 og 200.000 kr. Eftir tøkari inntøku – eftir skatt – eru yvir 22.000 í somu bólkum. Hetta svarar til, at 56% hava eina tøka inntøku millum 0 og 200.000 kr., um 40% hava tøka inntøku millum 200.000 og 500.000 kr. og restin - um 4% - liggja omanfyri 500.000 kr. í tøkari inntøku. 255 persónar – 0,6% - høvdu í 2018 yvir eina millión eftir at brúka, tá skatturin var goldin.
Um tú veitst okkurt, sum VP ikki veit - skriva so til vp@vp.fo
