Í gjár vórðu 855 fólk koppsett, 713 fólk fingu fyrra prikið og 142 fólk fingu tað seinna.
Tilsamans eru 25.427 koppsetingar gjørdar í Føroyum.
18.420 fólk hava fingið fyrru koppseting. 7.007 fólk hava fingið seinnu koppsetingina, og eru sostatt liðugt koppsett.
Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum.
255 kanningar vórðu gjørdar seinasta samdøgrið, og allar kanningarnar - uttan tvær - eru liðugt greinaðar. Tilsamans eru nú gjørdar 258.096 kanningar.
669 persónar hava fingið staðfest smittuna í Føroyum. 663 persónar eru nú staðfestir frískir aftur. Higartil er ein persónur deyður við koronu í Føroyum.
Í løtuni eru fimm persónar smittaðir.
Um tú veitst okkurt, sum VP ikki veit - skriva so til vp@vp.fo