Koppsetingin varð tikin uppaftur í gjár, tá tilsamans 875 fólk vórðu koppsett á teimum trimum sjúkrahúsunum. 283 fólk fingu fyrra prik og 592 fólk fingu tað seinna.
Nú eru tilsamans 21.128 koppsetingar gjørdar í Føroyum. 14.743 fólk hava fingið fyrru koppseting. 6.385 fólk hava fingið seinnu koppsetingina og eru liðugt koppsett.
Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum.
407 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 255.546 kanningar.
668 persónar hava fingið staðfest smittuna í Føroyum. 662 persónar eru nú staðfestir frískir aftur. Higartil er ein persónur deyður við koronu í Føroyum.
Í løtuni eru fimm persónar smittaðir.
Um tú veitst okkurt, sum VP ikki veit - skriva so til vp@vp.fo
