Amerikanski læknin Brytney Cobia fortelur um óvaksineraðar sjúklingar sum eru doyggjandi.
Yvir 99 prosent av øllum sum doyggja av covid-19 í USA eru óvaksinerað, siga heilsumyndugleikarnir í landinum.
Ein partur av hesum doyðu á sjúkrahúsinum har sum læknin Brytney Cobia arbeiðir í Alabama. Deilstaturin hevur lægsta vaksinudekning í USA.
– Tað síðsta tey siga áðrenn tey fáa slanguna niður í barkan, er at bøna og biðja meg um at fáa vaksinu. Eg taki í hond teirra og siga at tað tíanverri er ov seint nú, sigur læknin í einum innleggi á sínum Facebook-profili.
Um tú veitst okkurt, sum VP ikki veit - skriva so til vp@vp.fo