Í dag varð FM í triathlon hildið í Tórshavn. Teinurin var tann sokallaði OL-teinurin, ið er 1.500m svimjing, 40 km súkkling og til seinast 10 km renning.
Ein kvinna og seks mans lutttóku.
Anida Johannesen bleiv sostatt meistari hjá kvinnum, við tíðini 3:08:40.
Hjá monnunum vann Magni Jóhansson Hansen sannførandi við tíðini 2:06:40, 7 minuttir framman fyri Bergtór Tórsteinsson, sum bleiv nr. 2. Bergtórur kom á mál við tíðini 2:13:40.
Gunnar Dahl Olsen kom á mál sum nr. 3 við tíðini 2:35:00.
Hinir tríggir vóru Torleif Thorleifsson (2:46:22), Eyðun Jacobsen (2:59:11) og Jákup Petur Eliassen, sum tíðanverri fekk trupulleikar við súkkluni, og tí ikki fekk gjøgnumført súkkluteinin.
Sersambandið fyri súkkling og triathlon
Myndina hevur Lene Halgren tikið.
Um tú veitst okkurt, sum VP ikki veit - skriva so til vp@vp.fo
