Smittuserfrøðingurin í USA hevur úr at gera í løtuni. Talið av koronasmittaðum er økt munandi í USA seinastu dagarnar, eftir at fleiri deilstatir hava latið stigvíst upp aftur.
Tað er serliga í deilstatunum har suðuri og vesturi í landinum at økingin hevur verið munandi.
- Nú hava vit yvir 40.000 nýggjar koronatilburðir um dagin, segði Fauci við heilsunevndina í Senatinum, sambært New York Times.
- Eg gerist ikki bilsin um vit fara uppum 100.000 nýggjar tilburðir um dagin, um henda gongdin ikki vendur. Eg eri sera ørkymlaður. Alt landið er í vandaleið, segði hann.
USA er meinast rakta landið í heiminum, og hevur um 2,7 milliónir staðfestar koronatilburðir. Minst 129.000 eru deyð sambært netstaðnum worldometers.
Um tú veitst okkurt, sum VP ikki veit - skriva so til vp@vp.fo
