Okkurt bendir á, at átøkini sum hava verið ímóti rúsdrekkakoyring virka eftir ætlan. Síðstu nátt steðgaði politiið nógvum bilum í einum sonevndum málrættaðum átaki, sum tað eitur á politimáli, fyri at kanna um førarin var edrúur, men onki mál var skrivað.
- Vit høvdu nógv fólk úti um alt landið, og tað var eisini sera nógv fólk í býnum kring alt landið, men onki mál bleiv skrivað, sigur vakthavandi.
Heldur ikki nakað harðskapsmál bleiv skrivað, og tað er kanska eitt sindur óvanligt.
- Vit síggja soleiðis uppá tað, at tað er betri at gera arbeiðið, áðrenn nakað hendir, enn aftaná. Tað krevur sjálvandi orku at vera til staðar, men tað er eisini fyribyrgjandi, so minni verður at gera aftaná, sum vakthavandi á politistøðini sigur.
Um tú veitst okkurt, sum VP ikki veit - skriva so til vp@vp.fo