Innlendis ítróttur
Føroya Arena: Fyrr í ár varð navnakapping útskrivað til nýtt navn til nýggju stórhøllina í Hoyvíkshaganum, higartil nevnd Føroya Arena.
Ein navnanevnd varð sett at gjøgnumganga innkomnu uppskotini, og hevur navnanevndin skotið upp nýtt navn. Nevndin í sjálvsognarstovninum tók undir við uppskotinum. Síðani er eisini arbeitt við búmerki og samleika.
Mikudagin 20. des. kl. 13 verður nýggja navnið og samleikin avdúkaður. Samstundis verður eisini nýggja heimasíðan hjá høllini tikin í brúk. Eisini verður vinnarin av navnakappingini kunngjørdur.
Um tú veitst okkurt, sum VP ikki veit - skriva so til vp@vp.fo
