Fyrsti toppfundurin ímillum Kina og USA í fimm ár gekk væl, siga eygleiðarar.
Antony Blinken og Qin Gang, sum eru uttanríkisráðharrar í ávíkavist USA og Kina, tosaðu á fundinum í kinesiska høvuðsstaðnum Beijing millum annað um sínamillum samstarv í árunum sum koma. Stemningurin var góður, men tað var eisini týðuligt at talan er um tvey lond, sum hava sera ymiskar áskoðanir á nógv ymisk viðurskifti, verður sagt.
Teir báðir samdust millum annað um, at fleiri beinleiðis flogferðir eiga at vera ímillum londini bæði. Og so bjóðaði Antony Blinken kinesiska starvsbróðrinum á almenna vitjan í USA, tá tað liggur fyri hjá honum at koma.
Um tú veitst okkurt, sum VP ikki veit - skriva so til vp@vp.fo