HBF: Miniton er venjing fyri yngru børnini, sum gjøgnum spæl og serstaka venjing læra at spæla badminton.
Hendan venjingin er fyri børn í aldrinum frá 3 til 9 ár, og øll børnini skulu hava ein avvarðandi við sær til hvørja venjing. Tey vaksnu eru aktivir luttakarar í venjingini saman við børnunum.
Seinasta leikár vandu børnini fram ímóti at ogna sær ein ‘gullbólt’, men sum øllum kunnugt steðgaði badmintonárið so knappliga vegna Korona. Havnar badmintonfelag hevur tikið táttin upp aftur og bjóðar nú yngru børnunum til Miniton. Øll eru vælkomin - bæði tey, sum hava vant fyrr, og nýggir leikarar.
Venjingin er leygardagar frá kl. 10-11 í Badmintonhøllini í Gundadali. Fyrsti venjingardagur er 19. september. Venjarar eru Erland Poulsen, Aksel Poulsen, Mariann Øster og Katrin Poulsen, ið øll hava góðar royndir innan Miniton. Nærri kunning um badminton og venjingartíðir eru á heimasíðuna hjá Havnar Badmintonfelag hbf.fo
Um tú veitst okkurt, sum VP ikki veit - skriva so til vp@vp.fo