Amerikanski forsetin Joe Biden er endurgivin í fleiri miðlum, teirra millum Al-Jazeera, fyri at siga, at ein avtala um at leysgeva fleiri av ísraelsku gíslunum hjá Hamas er "sera nær".
- Vit hava arbeitt við hesum í vikur, og nú er ikki langt á mál, kanska bara tímar, sigur Joe Biden.
Ísraelski forsætisráðharrin, Benjamin Netanyahu, váttar, at tað gongur rætta vegin, men hann hevur samstundis mint á, at ein vápnahvíld verður stutt og fer at geva ísraelska herinum møguleikan at fyrireika seg til nýggj álop.
- Eg vil bara gera tað púra greitt, at vit eru í kríggi, og kríggið er ikki liðugt, til vit hava nátt okkara málum. Hamas skal oyðast, øll tey sum eru gíslar og ikki eru komin aftur í aftur, skulu heim, og í Gaza skal ongin hóttan ímóti Ísrael finnast, tá vit eru liðug, segði hann.
Um tú veitst okkurt, sum VP ikki veit - skriva so til vp@vp.fo
