Bretin Marc Elliott Pilcher doyði sunnudagin, 53 ára gamal.
Pilcher vann sín fyrsta Emmy 11. september – fyri at styla stjørnurnar í vælumtóktu sjónvarpsrøðini «Bridgerton».
Nú upplýsur leiðslan at hann er deyður.
«Tað er við miklari sorg vit kunnu vátta at Marc Elliott Pilcher, Oscar-nomineraður og Emmy-vinnari, hár- og makeup-artistur/stylistur, andaðist sunnudagin 3. oktober eftir at hava stríðst móti covid-19», verður sagt í fráboðanini frá felagnum Curtis Brown sambært VG.
«Hann var 53 ár, liðugt vaksineraður – og hevði ongar undirliggjandi sjúkur», verður sagt.
Um tú veitst okkurt, sum VP ikki veit - skriva so til vp@vp.fo