Ein nýggj frágreiðing hjá Center for Countering Digital Hate (CCDH) útnevnir 12 persónar, «the disinformation dozen», sum verða hildin at vera tey vandamiklastu vaksinumótstøðufólkini í USA.
Felags fyri teir 12 persónarnar er, at teir breiða út feilinformasjón og konspirasjonsteoriir um koronu og koronuvaksinuna á sosialum miðlum.
Teir verða nevndir í frágreiðingini tí teir hava nógvar fylgjarar og framleiða og almannakunngera nógv tilfar, skrivar NRK.
Millum hesar 12 persónarnar er dómarin, fyrrverandi útvarpsverturin, rithøvundin og umvhvørvisaktivisturin Robert F. Kennedy Jr., bróðursonur hjá fyrrverandi forsetanum John F. Kennedy.
Kennedy rekur heimasíðuna Children's Health Defence, og hevur fleiri hundrað túsund fylgjarar á sosialu miðlunum.
Á heimasíðuni stendur millum annað at vaksinan skaðar børn og kann geva skaða á nervalagið, immunverjuna og innvortis yrkisgøgn. Sum kunnu geva autismu og autoimmunar sjúkur.
Um tú veitst okkurt, sum VP ikki veit - skriva so til vp@vp.fo