Var á veg í koyggjuna eftir at hava strevast á dekkinum og fabrikkini í 19 tímar.
Nú rokfiskiskapur er hava vit brotið vakt í fleiri dagar.
Kanska fríður verður næstu 5 tímarmar, áðrenn kokkurin aftur rópar “Útpurring”
Í messuni hoyrdist Útvarpið.
Hoyrdi at ein búskaparfrøðingur helt fyri, at fiskivinnan hvíldi á einum kodda, tí hon fær “ogn Føroya fólks” fyri næstan einki.
Komin í koyggjuna tók eg koddan og blakaði hann út á dúrki.
Vildi ikki hava hetta sitandi á mær.
Lá eina løtu og hugsaði um, hvør hevði skapt øll hesi virðini, sum frøðingarnir tosaðu um.
Nei, nei, tað skal eingin frøðingur, sum hevur hvílt á einum kodda á Oyrasundskoleginum í áravís, og nú á einum almennum kodda, sum eg gjøgnum eitt langt lív á sjónum havi fóðrað við bleytum dunnidúni, ráða fyri, nær eg leggi høvdið á koddan.
Eg sprakk upp á dúrki, tók koddan, so aftur í koyggjuna, legði høvdið á koddan, at fáa ein blund, áðrenn næstu 14 tímarnar á dekkinum og á fabrikkini.
Fiskimaður
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo