Ongin fólkaskaði hendi, tá eldur kom í ein buss omanfyri Norðskála fyrrapartin.
Bussurin hevði 43 ferðafólk við, men tey sluppu øll út í øllum góðum.
Ferðslan var nakað tarnað av hendingini, sigur Mikkjal Hansen frá Sunda sløkkiliði við KvF.
Hann sigur, at enn er ógreitt hví eldur kom í bussin. Men ein tanki er, at starar kunnu hava bygt sær reiður í motorrúminum, og tá so hiti kemur til, so kemur eldur í. Nærri kanningar skulu tó gerast, áðrenn nakað kann sigast við vissu.
Um tú veitst okkurt, sum VP ikki veit - skriva so til vp@vp.fo