Borgarstjórin í Runavíkar Kommunu, Tórbjørn Jacobsen eigur alt rós uppiborið at hann gerð vart við, at COVID–19 kanningarnar eisini eiga at fara fram í Eysturoynni, og heitti á Kaj Leo Holm Johannesen, landsstýrismann í heilsumálum, um at fáa sett upp eina interimisitiska kanningarstovu í Eysturoy til endamálið. Blekki var nóg illa torna tá vit fingu at vita, at kanningar fóru at verða gjørdar, og tað fegnast vit um!

Eg havi fingið tað fatan, at øll tey sum lata seg kannað á Landssjúkrahúsinum, Klaksvíkar Sjúkrahúsið og Suðuroyar Sjúkrahúsið fáa sínar COVID-19 kannaðar ókeypis, umframt at tey ferðandi til Føroyar inntil nú hava fingið COVID–19 kanning ókeypis.

Men ikki tey sum búgva í almennu gloymdu politisku oynni: EYSTUROYGGIN. Tey skulu potast av privatari fyritøku, og tað kostar pening úr egnum lumma. Sjálvt danska heilsuverkið letur ókeypis COVID –19 kanningar til sínar borgarar. (Denne regel gælder ikki for folk der bor på Østerø).

Hví landsstýrismaðurin í heilsumálum ikki letur við seg koma, hóast áheitan, veit eg ikki. Áhugi hansara tykist bert at verða fyri fólki sum búgvi í nærumhvørvinum hjá teimum trimum sjúkrahúsinum, á kaj kantinum í Havn og á Flogvøllinum, sum hava fingið og fáa ókeypis kanningar.

Tað er eitt stórt framstig, at kanningarnar nú verða gjørdar í Eysturoynni, hetta hóast eysturoyingar SJÁLVIR skulu gjalda fyri COVID–19 kanningina. Vit eysturoyingar eru ikki sum hini, lata alt um okkum ganga, og galda við kassa 1. Fyrimunurin er sjálvandi at vit vónandi sleppa undan at standa í tíma longum bíðirøðum, og sleppa undan at koyra tveir tímar til kanningar støðini, og tað fegnast um um.

Lasse Klein