Danny & The Veetos mann teljast millum best umtóktu tónleikabólkarnar í Føroyum.
Løg sum “Sunnukvøld í mai” og “Allright” eru nærum blivin fólkaogn og á teimum konsertum, sum bólkurin hevur spælt, hevur bólkurin altíð megna at fingið allar áhoyrararar við.
Bólkurin er mannaður av Danny Baldursson, Páll Brim Joensen, Robert Waagstein, Jóhan Nolsøe, Símun Dam, Leivur Vitalis og Rúna Hentze, sum saman spæla lívsjáttandi pop-folk tónleik.
Umframt Danny & The Veetos, er longu avdúkað, at Nephew, Gilli, Byrta og Hardinger Band eisini fara á pall á Okkara Voxbotn 2018.
Komandi tíðina verða enn fleiri nøvn avdúkaði.
Ongantíð áður hevur gravgangurin eftir atgongumerkjum verið so stórur sum hesaferð siga fyriskipararnir.
Tað hevur verið útselt til Voxbotn øll árini - seinast fleiri mánaðar áðrenn Voxbotn byrjaði.
Um tú veitst okkurt, sum VP ikki veit - skriva so til vp@vp.fo
