Norsku heilsumyndugleikarnir vilja ikki mæla til at børn millum 5 og 11 ár verða koppsett.
Tað kom fram í gjár, og nú heita danskir barnalæknar á Sundhedsstyrelsen um at umhugsa støðuna av nýggjum, um haldast skal fram við at mæla til at børn verða koppsett í Danmark, skrivar DR.DK.
- Tá ið tað í Noreg ikki verður viðmælt, men bara letur møguleikan standa opnan, so er tað út frá metingini viðvíkjandi omikron. Meðan tann danska metingin byggir á deltavariantin, sum herjaði, tá ið koppsetingin var viðmælt, sigur barnalæknin Klaus Birkelund Johansen, sum er formaður í felagnum fyri danskar barnalæknar, Dansk Pædiatrisk Selskab.
Um tú veitst okkurt, sum VP ikki veit - skriva so til vp@vp.fo