Tað sigur kvinnan sum gjørdi tað sum verður nevnt "telefonballada" í dag móti eini vinkonu hjá sær, við VP.
- At tað skuldi enda á henda hátt, harmar meg stórliga, sigur kvinnan.
Søgan er í stuttum tann, at vinkona hennara fór heim til Føroya við flúgvaranum í dag, og nú skuldi hon gera tað sum eitur telefonballada.
- Eg fekk so ein at ringja til vinkonuna, at siga, at hon skuldi í sóttarhald, tí at ein var smittaður sum var í sama flogfari sum hon.
- Hetta gjørdu vit alt í spølni, tí eg skuldi hevna eina telefonballadu, sum vinkonan hevði gjørt móti mær.
- Og vit valdu at gera hesa dáragerð, tí vinkonan hevur glett seg so nógv at koma heim aftur, og hon hevði ikki verið so fegin at farið í sóttarhald.
- At søgan skuldi fara út soleiðis, og at onkur nevndi hana á Facebook, er sera harmiligt og tað eri eg ómetaliga kedd av, sigur kvinnan, sum ikki ynskir at hennara navn kemur fram og vil tí vera dulnevnd.
Uppaftur og uppaftur sigur hon í telefonini, hvussu kedd hon er, og tað hoyrist eisini sera greitt á røddini, at hon er ávirkað av hesi hendingini, sum kom púra óvart á hana. Hon er rættiliga skakað.
Les eisini:
Um tú veitst okkurt, sum VP ikki veit - skriva so til vp@vp.fo