Ein nýggjur smittutilburður varð staðfestur í gjár. Tað vísa nýggjastu tølini hjá Landslæknanum.
Viðkomandi er komin til Føroya úr útlondum. Talan er um bretska koronufrábrigdið (B.1.1.7).
437 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 247.602 kanningar.
663 persónar hava fingið staðfest smittuna í Føroyum. 660 persónar eru nú staðfestir frískir aftur. Higartil er ein persónur deyður við koronu í Føroyum.
Í løtuni eru tveir persónar smittaðir.
Í gjár vórðu 304 fólk koppsett. Av hesum fingu 23 fyrra prikið, meðan 281 fólk fingu seinna prikið.
Tilsamans 14.610 koppsetingar eru nú gjørdar í Føroyum. 9.552 fólk hava fingið fyrru koppsetingina. 5.058 fólk hava fingið seinnu koppsetingina og eru liðugt koppsett.
Um tú veitst okkurt, sum VP ikki veit - skriva so til vp@vp.fo
