- Um Russland skjýtur bara eitt einasta skot inn í eitt Nato land, so er grein 5 í norðuratlantisku verjuavtaluni aktiverað, og Nato fer at seta alla sína megi inn ímóti Russlandi.
So bersøgin var Jake Sullivan, sum er trygdarráðgevi hjá Hvítu Húsunum á einum tíðindafundi fyrr í dag.
Orðini fullu eftir at Russland síðstu nátt framdi álop á ukrainskar herstøðir, sum vóru bara 25 kilometrar frá pólska markinum.
Grein 5 er greinin sum sigur, at eitt álop á eitt Natoland er tað sama sum eitt álop á øll Natolondini.
USA ávaraði eisini Kina ímóti at hjálpa Russlandi. Hann segði, at Kina eisini kann verða rakt av handils- og øðrum tiltøkum, heldur Kina fram við at hjálpa Russlandi.
Um tú veitst okkurt, sum VP ikki veit - skriva so til vp@vp.fo