Ógvisligi skógareldurin í Avstralia í fjør sendi líka nógvan roykt upp í miðhválvið sum eitt vulkanútbrot, sambært kanning.
Avleiðingarnar av skógareldunum millum 2019 og 2020 vóru stórar fyri umhvørvið, sambært kanningini sum er almannakunngjørd í tíðarritinum Science.
Nøgdin av royki frá eldunum, kann samanberast við hana sum kom frá vulkanútbrotinum á Mount Pinatubo í Filippinunum í 1991. Tað er størsta útbrot í 20. árhundraðinum.
Miðhválvið er niðasti parturin av lofthválvinum, beint yvir lághválvinum, har skýggini eru.
Granskararnir halda at fleiri orsøkir vóru til at roykurin fór so høgt upp, millum annað var nógvur vindur júst tá, skrivar norska Nettavisen.
Um tú veitst okkurt, sum VP ikki veit - skriva so til vp@vp.fo
