Nú ein dagin fekk eg rokning sendandi gjøgnum teldupost frá Vodafone via FarPay. Eg opnaði mailin, hugdi eftir fakturanum, og trýsti á leinkið ”Tilmelda gjaldsavtalu”. Tá eg nú skuldi stovnað gjaldsavtaluna, bleiv eg kravdur at upplýsa P-tal:
Sambært Dátueftilitinum eru hesar treytir galdandi tá privatar fyritøkur biðja um P-tal: trýst her
Tá tað snýr seg um privat, t.e. fyritøkur, virkir v.m., eru reglurnar fyri nýtslu av p-talinum strangari og hesi kunna bara viðgera p-talið, um
• viðgerðin er heimilað í lóg
• skrásetti nágreiniliga hevur givið sítt samtykki, ella
• viðgerðin bert fer fram til søgulig, vísindalig ella hagfrøðilig endamál.)
Sum eg lesi tað, eru ongar av hesum treytum uppfyltar, og tá eg ikki vil áseta P-talið, blívi eg avvístur.
Hetta fær ikki verið rætt.
Tá krøvini er so strang til viðgerð at P-tølum, má myndugleikin kanna tílik lógarbrot, ella leggja uppskot um linari krøv fyri avgerandi myndugleikan.
Spurningurin er um tað er FarPay sjálvt, ella kundarnir hjá FarPay, sum hava ein forkláringstrupulleika yvirfyri Dátueftirlitinum.
P-tals skeptikari
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo