Uttanríkisráðharrin Mike Pompeo sigur, at Donald Trump forseti fer um stutta tíð at kunngera fleiri kinesisk teknologifeløg sum eru ein beinleiðis hóttan móti USA.
Tað sigur Mike Pompeo í samrøðu við Fox News í dag, sambært CNBC.
Pompeo hevur nevnt bæði TikTok og appina Wechat í samrøðuni við Fox News, og sagt at hesi feløgini senda dátu beinleiðis til kinesiska kommunistaflokkin.
Gitt hevur verið at TikTok fór at selja sín amerikanska part, og í tí sambandinum er Microsoft nevnt sum ein møguligur keypari. Men nú eru samráðingarnar millum Microsoft og TikTok-eigaran Bytedance lagdar á ís meðan bíðað verður eftir fráboðanini frá forsetanum, sambært Wall Street Journal.
Um tú veitst okkurt, sum VP ikki veit - skriva so til vp@vp.fo