Fyrsti filmur hjá Filmsfelagnum í nýggja árinum er hin virðislønti "Decision to Leave" úr Suðurkorea.
Sýningin, sum er almenn, er í Havnar Bio mikukvøldið.
Fjallaklintrari dettur oman
Løgregluovastin Hae-jun hevur ilt við at sova og gremur seg um ov fáar morðgátur at loysa. Brádliga kemur eitt løgið drápsmál honum í hendi, sum kanska kann geva honum arbeiðsgleðina aftur.
Ein fjallaklintrari er dottin oman, og tølandi einkjan, Seo-rae, tykist so órørd av støðuni, at løgregluovastin gerst illgrunasamur. Men tá hevur hon longu rúnarbundið Hae-jun.
"Decision to Leave" er ein hugtakandi romantisk nøtrisøga, har gessur og rættvísi eru snúningsásar í stílfullu søguni.
Suðurkoreanski leikstjórin, Park Chan-wook (f.1963), sum fyrr hevur gjørt "Oldboy" og "Handmaiden", vann virðislønina sum besti leikstjóri í Cannes í fjør fyri júst henda filmin.
Um tú veitst okkurt, sum VP ikki veit - skriva so til vp@vp.fo
