Bara frystilínuskip eru til fiskarí í løtuni, tvey er við Ísland og fýra við Føroyar.
Tað skrivar Fiskamarknaður Føroya í sínum metingum fyri vikuna sum kemur.
Streymurin harðnar sum vikun líður, Veðrið verður eisini eitt sindur umskiftandi, so útlitini fyri útróðri eru ikki av teimum bestu. Bátarnir fáa mest av hýsu og so nakað av toski.
Báðir djúpvatnstrolararnir liggja við bryggju. Fýra pør av partrolarum eru til fiskarí. Tey fiska upsa og so nakað av hjáveiðu og fara at landa sum vikan gongur, men fiskaríið er vánaligt.
Eingin trolbátur er úti, men vantandi fer onkur avstað tá veðrið batnar. Eitt garnaskip er úti, teir fiska svartkalva.
Um tú veitst okkurt, sum VP ikki veit - skriva so til vp@vp.fo
