Í løtuni er eingin persónur smittaður við koronu í Føroyum.
Tann seinasti persónurin við koronusmittu í hesum umfarinum er nú staðfestur frískur. Tað vísa nýggjastu tølini hjá Landslæknanum.
Eingin nýggjur smittutilburður varð staðfestur í gjár.
321 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 252.136 kanningar.
663 persónar hava fingið staðfest smittuna í Føroyum. 662 persónar eru nú staðfestir frískir aftur. Higartil er ein persónur deyður við koronu í Føroyum.
Um tú veitst okkurt, sum VP ikki veit - skriva so til vp@vp.fo