- Tað er ikki bara sjúka, ið smittar. Vælvild smittar eisini: Ein hjálpandi hond, eitt herðaklapp, eitt lítið bros. Tá ið nýggju nøvnini verða almannakunngjørd, er ætlanin, at tey verða væl móttikin og falla væl í oyrunum.
Soleiðis sigur Heilsumálaráðið millum annað á heimasíðuni, har boðað verður frá navnakapping um nýggj nøvn til sjúkrahúsini, og har virðislønin er 10.000 krónur.
- Í 2018 vórðu Klaksvíkar sjúkrahús, Suðuroyar sjúkrahús og Landssjúkrahúsið skipað undir felags leiðslu og sum eitt samlað føroyskt sjúkrahúsverk. Ein avgerandi lutur í at samansjóða tey trý sjúkrahúsini er at skapa ein sterkan samleika. Ein samleika, ið er felags fyri øll sjúkrahúsini. Tí verður sóknast eftir nýggjum nøvnum, ið knýta hesi saman í eina savnaða heild, sigur Heilsumálaráðið.
Um tú veitst okkurt, sum VP ikki veit - skriva so til vp@vp.fo
