Áhugaverd samrøða við filmsframleiðaran Mike Day er í SundayPost har hann millum annað greiðir frá um at vinna álit ímillum føroyingar til at gera film um grindaveiðu.

Í samrøðuni greiðir Mike Day frá, at hann, ímeðan hann var í holtur við at gera upptøkurnar til grindafilmin, uppdagaði eina aðra og nógv betri søgu, hana um at allur tann siðbundni føroyski kovin var so illa dálkaður av millum annað plasti úr ídnaðarlondunum, at hann í veruleikanum í dag er óbrúkiligur.

- Skaffigreiðir úr plasti, framleiddar í Onglandi, eru at finna í maganum á føroyskum fugli, greiðir Mike Day frá í samrøðuni í SundayPost.  

Hann greiðir eisini frá, hvussu føroyingar í byrjanini vóru sera skeptiskir, tí teir hava upplivað so nógvar filmsframleiðarar sum "siga eitt og so gera nakað annað". Men tá álitið var vunnið var tað hansara uppliving, at føroyingar onki høvdu ímóti at søgan varð søgd, so leingi sum upplýsingarnar vóru rættar.

Filmur hansara "The Islands and the Whales" verður vístur 29. mars í fleiri biografum í Onglandi og eftir vísingina fer Channel 4 verturin Jon Snow at hava samrøðu við Mike Day.