Danska Fíggjareftirlitið hevur boðað frá at Betri banki, BankNordik og Norðoya Sparikassi framvegis eru SIFI-peningastovnar.
Norðoya Sparikassi skrivar á síni heimasíðu, at í løtuni verður føroyska lóggávan um SIFI-peningastovnar endurskoðað.
- Danska váðaráðið hevur mælt donsku stjórnini til at broyta markvirðini fyri at áseta, hvør peningastovnur í Føroyum skal vera SIFI-peningastovnur.
- Tilmælið er, at ein peningastovnur, sum hevur ein javna minni enn 3 mia. kr. verður ikki tilnevndur sum SIFI-peningastovnur. Javnin hjá Norðoya Sparikassa er í løtuni uml. 2,8 mia. kr.
- Danska vinnumálaráðið tekur undir við tilmælinum og lógin verður galdandi frá 1. januar 2021.
Um tú veitst okkurt, sum VP ikki veit - skriva so til vp@vp.fo
