Russiskir hermenn nokta at akta og sabotera egna útgerð, sigur Jeremy Fleming, sjefur í bretsku fregnartænastuni GCHQ.
Fleming segði í eini talu í Avstralia at forsetin í Russlandi Vladimir Putin hevur stórliga yvirmett egna stríðsmegi og undirmett mótstøðumáttin hjá ukrainska fólkinum.
– Vit síggja russiskar hermenn – sum ikki hava nokk av vápnum og morali – sum nokta at akta boð, sum sabotera egna útgerð og sum harumframt tá ið illa vil til skjóta egin stríðsflogfør niður, verður sagt í taluni sambært VG.
Um tú veitst okkurt, sum VP ikki veit - skriva so til vp@vp.fo