Tórshavnar kommuna: Nú verður frítíðartilboð til 3. flokk í Sankta Frans skúla sett á stovn í Gundadali. Býráðið hevur samtykt at seta frítíðartilboðið á stovn undir leiðslu av Frítíðarskúlanum í Badmintonhøllini, sum frammanundan hevur frítíðarskúla til 1. og 2. flokk í Sankta Frans skúla.
Avtala er gjørd við B36 um leigu av B36-húsinum til at húsa frítíðartilboðnum.
Higartil hava børnini í 3. flokki í Sankta Frans skúla havt frítíðartilboð í Margarinfabrikkini. Foreldur hava tó spurt eftir at fáa tilboðið skipað saman við frítíðarskúlanum í Badmintonhøllini.
Tilboðið verður nú fyrireikað at byrja eftir summarfrítíðina.
Neyvari kunning um tilboðið og tilmelding kemur seinni frá stovnsleiðaranum.
Um tú veitst okkurt, sum VP ikki veit - skriva so til vp@vp.fo