- Nú runda vit av fyri í ár og so má arbeiðið standa sína roynd í vetur, sigur Brynjolvur (Bynne) Lamhauge, sum saman við Einar Djurhuus hevur staðið fyri arbeiðnum at fáa Grønadamm aftur í tann stand, hann var í fyri mongum árum síðan, soleiðis sum tey, ið eldri eru í dag, minnast hann.
- Vit vóna at kunna runda av í dag. Tá várið kemur fara vit vónandi undir at gera tann meira brúkaravinarliga partin, sum snýr seg um at gera eitt hugnapláss omanfyri og at gera økið klárt til at fólk kunnu dippa, svimja og grilla, og hvat mann annars kann finna uppá, sigur Bynne.
Um tú veitst okkurt, sum VP ikki veit - skriva so til vp@vp.fo