Dreymurin er nú veruleiki. Føroyar eru á fyrsta sinni við í einum EM-endaspæli fyri lið, og í annaðkvøld tekur føroyska hondbóltslandsliðið hjá monnum fyrsta fetið inn á vøllin í Berlin. Hesa løtuna skrivar liðið søgu. Hesa løtuna savnar liðið allar føroyingar.
Løgmaður verður millum fjeppararnar í Berlin, og gleðir seg at stuðla landsliðnum.
- Eg ynski tykkum góða eydnu! Tit skulu vita, at vit øll longu eru so ómetaliga stolt av tykkara stóra bragdi at verða komin til EM-endaspælið. Takk fyri, at tit eru við til at savna føroyingar, sigur Aksel V. Johannesen, løgmaður
Løgmansskrivstovan ynskir somuleiðis EM-monnunum bestu eydnu.
Koyr á Føroyar!
Um tú veitst okkurt, sum VP ikki veit - skriva so til vp@vp.fo
