Hóast Bakkafrost fekk ein ordans lúsing eftir fráboðanina um avbjóðingarnar í Skotlandi, so eru greinarar samdir um, at partabrævið framvegis er áhugavert, og allir halda, at tað eigur at vera dýrari enn tað er beint nú.
Les eisini: Bakkafrost fær lúsing á børsinum
Bloomberg skrivar, at av 12 greinarum mæla 6 til keyp, 5 mæla til at bíða og 1 mælir til at selja partabrævið. Teir mest bjartskygdu halda, at kursurin eigur at liggja á 777 norskum krónum, í hinum endanum finna vit kursmálið 620 norskar krónur.
Tá hann var lægstur fyrradagin lá prísurin á Bakkafrost partabrævinum beint omanfyri 524 krónur. Nú kann partabrævið keypast fyri 561 krónur.
Um tú veitst okkurt, sum VP ikki veit - skriva so til vp@vp.fo
