mynd: Beinta á Torkilsheyggi
mynd: Beinta á Torkilsheyggi
mynd: Beinta á Torkilsheyggi
Greta Svabo Bech hevur undirskrivað sáttmála við norska plátufelagið Propeller Recordings og útgevur í dag, 26. mars, staklagið “Breathe”, sum er fyrsti bitin av einari røð av komandi útgávum. Propeller Recordings umboða m.a. Highasakite, Sløtface, Moddi, Amanda Tenfjord, Katzenjammer.
Sjálv sigur hon um sangin: “Breathe er ein vøgguvísa, ein dreymasangur, eitt ‘góðanátt’ við onkran sum er farin. Minnir frá einum lívi, frá jørð til himmal, frá vøkstri til forfall. Lívið byrjar við at anda inn, og endar við at anda út. At siga farvæl kann taka meira enn eitt heilt lív.”
Tað var júst demo-lagið til ‘Breathe’ sum vakti ans hjá Propeller Recordings, og tað er eisini eitt natúrligt stig í søguni at útgeva hetta lagið fyrst.
Um tú veitst okkurt, sum VP ikki veit - skriva so til vp@vp.fo
