Stættarstigin stendur "upp" og "niður" - øvund kann fara allar leiðir
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Vit eru ein siglandi tjóð, og tí eigur tað at liggja ljóst fyri at sigla grótið úr Sandoyartunlinum til Eysturoynna. Koyrast gjøgnum Havnina skal tað ikki. 

Ímyndið tykkum 500.000 tons av gróti gjøgnum Havnina í stórum lastbilum beint framvið dagstovnum, skúlum og matvøruhandlum.

Tað er ikki í lagi, at 60 lastbilar koyra grót allar gerandisdagar í eitt samfult ár úr Sandoyartunlinum dálkandi gjøgnum alla Havnina, tí grótið skal í Eysturoynna. 

Tá ið barnafamiljurnar hava tað gott, hevur Havnin tað gott. Og tá ið Havnin hevur tað gott, hava barnafamiljurnar tað gott.

Men 15.000 stórir lastbilar beint framvið stovnum og sethúsum í Havn skapa ongan trivnað.

Havnaborgarar kunnu ikki halda ondini í 1 ár, tí ein onnur kommuna vil hava grótið úr Sandoyartunlinum.

Hendir einki, fer fyrsti lastbilurin við gróti koyrandi í februar 2021 eftir eini ferðsluleið, sum er ovbyrðað frammanundan. 

Fái eg undirtøku á býráðsvalinum, fari eg at steðga hesi ætlan. Vegirnir í Havn skulu ikki brúkast sum millumlið. Tað finnast fleiri skilabetri loysnir. Eg fari at seta meg niður við øllum pørtum og finna eina aðra loysn. Tað ber væl til. 

Høgni S. Reistrup
Býráðsvalevni í Havn

Um tú veitst okkurt, sum VP ikki veit - skriva so til vp@vp.fo