Onnur tíðindi
Fýra fólk sum ikki eru í starvi hjá nøkrum almennum stovni ella myndugleika, eru við Ax-1 rakettini sum lætti sær á í Cape Canaveral í gjár.
Hetta er fyrstuferð í søguni, at tað hendir, og tí verður tosað um eina søguliga rúmdarferð.
Teir fýra menninir eru úr USA, Ísrael, Kanada og Spania. Bara ein er útbúgvin astronautur, og hevur áður verið í rúmdini.
Málið hjá teimum eru at røkka altjóða rúmdarstøðini ISS og har skulu teir vera í eina viku.
Tað hevur verið frammi, at hvør av teimum fýra skal hava goldið tað ið svarar til 377 milliónir krónur fyri at luttaka á ferðini.
Um tú veitst okkurt, sum VP ikki veit - skriva so til vp@vp.fo
