Bæði topp- og botnlinja tódnaðu nakað í mun til árið fyri, hjá stóru fiskivinnufyritøkuni við heimstaði í Fuglafirði.
Í konsernroknskapinum sæst, at nettosølan minkaði úr 550 mió kr í 2018 til 516 mió kr í fjør. Og ársúrslitið minkaði úr 85 mió kr niður í 72 mió kr í rundum tølum.
Men leiðslan er nøgd, sigur hon í ársfrágreiðingini.
Tað er Anfinn Olsen sum hevur teymarnar í hondunum. Hann eigur tveir triðingar av Framherja einsamallur, umframt 26,7% í Framinvest, sum aftur eigur síðsta triðingin av Framherja.
Framherji keypti kvotur, rindaði tilfeingisgjald og partafelagsskatt fyri nærum 94 mió kr í fjør. Av samlaðu inntøkunum hjá Framherja eru samlaðu avgjøldini pr. sølukrónu farin frá 15% av søluni í 2015 til 28% av søluni í fjør, sigur leiðslan í ársfrágreiðingini.
Fíggjarstøðujavnin við árslok í fjør var 907 mió kr og eginognin var 463 mió kr.
Um tú veitst okkurt, sum VP ikki veit - skriva so til vp@vp.fo