Eftir úrslitið í kvøld er helvtin av finalistunum í X-Factor føroyingar.
Bæði Tina og Kári komu víðari í kvøld til semifinaluna sum verður um fjúrtan dagar.
Blachman ivast í um tíðin er komin at lukka av fyri sambandinum við Føroyar, segði hann undir X-Factor sendingini í kvøld.
Men ein og hvør við eitt pikkalítið sindur av musikkoyra hoyrir mun á, hvussu væl føroysku umboðini í X-Factor - ikki bara hesaferð, men hvørjaferð føroyingar eru við - eru fyri afturímóti donsku luttakarunum, tá talan er um at duga at syngja.
Tað er brim, tað er fossur og stormanna kraft og ljóð í føroysku songrøddini, og so tvey týðandi fakta afturat - tey lærdu at syngja í samkomum og kirkjum og í heimsins bestu musikkskúlaskipan.
Um tú veitst okkurt, sum VP ikki veit - skriva so til vp@vp.fo
