Nýtt frímerki sær dagsins ljós í samband við at Drotning Margreta fyllir 80 ár. Tillukku.
Posta skrivar millum annað hetta um tað nýggja merkið:
"Fuglarnir – tjaldur, skarvur, skúgvur, álka, havhestur, æðublikur, likka, teisti, lundi, terna, súla, lomvia, kráka, ravnur, stari og spógvi - eru føroyskir fuglar. Eisini er ein veðrur og ein hara, tey einastu fýrbeintu dýrini í føroysku natúruni. Saman við fuglunum telja tey átjan, ið er talið av oyggjum í Føroyum."
Seyðurin er nevndur, og haran er nevnd.
Men nakað manglar.
Hvar er kúgvin?
Djórið sum eigur lívið í føroyingum?
Mjólkikúgvin var størsta og mest stabila kaloriu-keldan hjá føroyingun frá fyrsta degi.
Løgið at gloyma tað, sum hevur havt allarstørsta týdning.
Rolf Guttesen
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo