Á ellisárum veitst tú endiliga alt. Men so byrjar tú at gloyma
- hin gloymski

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Alment tiltak í Løkshøll mánakvøldið 30. mai kl. 19.00-21.30.

Eysturoyar Vinnulívsfelag bjóðar til tríggjar spennandi fyrilestrar sum seta fokus á hvørja ávirkan tað hevur á heimin, at tað er kríggj í Europa. Hvørja ávirkan broytti heimurin hevur á føroysku vinnuna? Hvørjar broytingar hetta viðførir? Og hvørjar møguleikar ið broytta støðan gevur?

Fyrilestrarhaldarar eru:

Dag Sletmo, leiðandi ráðgevi innan fiskivinnu í DNB, størsta bankanum í Noregi. Dag fer at tosa út frá heitinum: “Ukreina, stagflasjon, deglobalisering – hva betyr det for den færøske industri?” Framløgan hjá Dag nemur við hvussu ekstern viðurskiftir, so sum geopolitisk viðurskiftir, hava ávirkað og broytt laksa- og fiskivinnuna og marknaðirnar kring heimin. Hugt verður eisini uppá framtíðarútlitini nú inflatiónin er methøg.

Gorjan Nikolik, leiðandi greinari innan matvøruframleiðslu í Rabobank í Hollandi. Gorjan fer at tosa út frá heitinum: “Market demands and consumer behavior on the salmon, seafood, and protein market”. Hann fer at hyggja nærri eftir marknaðinum fyri proteinir, sjómat og laks. Hvussu ávirka tey hvønn annan og hvussu er brúkara atferðin á hesum marknaðum.

Heri á Rógvi, búskaparfrøðingur og eigari av fyritøkuni Lóður. Heiti á framløguni hjá Hera er: “Eru Føroyar viðkvæmar fyri broytingum?” Heri fer at greiða frá hvussu rembingar hava ávirka føroyska búskapin og um tað ber til at siga nakað um útlitini.

Eftir fyrilestrarnar ber til at seta spurningar til fyrilestrarhaldararnar og at enda verður ein samanumtøka. Bergur Poulsen verður orðstýrari.

Tiltakið er alment og ókeypis.

Um tú veitst okkurt, sum VP ikki veit - skriva so til vp@vp.fo