Ongland skal leika móti Íslandi í EM-kappingini mánadagin, men venjarin Lars Lagerbäck heldur ikki, at Brexit hjá bretum fær nakra ávirkan á dystin.
Og stendur tað til Lagerbäck, so er hetta ikki einasta exit, Ongland fer at uppliva. Tá ein íslendskur journalistur spurdi venjaran í dag, um hann var førur fyri at fremja eitt brexit afturat, svaraði hann:
- Hatta er ein góður máti at siga tað uppá. Tað vóna vit heilt víst. Sjálvt um eg ikki veit, um Brexit er til tað góða ella ringa. Tað havi eg onga viðmerking til, svaraði hann sambært TV2.
Um tú veitst okkurt, sum VP ikki veit - skriva so til vp@vp.fo