Týsdagin verður fyrsti partur av sendirøðini "Tá makrelurin broytti Føroyar" at hoyra í Útvarpinum, men høvuðspersónurin í føroyska makrelævintýrinum, Jacob Vestergaard, er ikki spurdur um nakað sum helst.
- Søgan 'Tá makrelurin broytti Føroyar' er ongantíð lýst samanhangandi og tað verður gjørt í hesu sendirøð, stendur at lesa í skránni hjá Útvarpinum um sendingina sum Kári Mikkelsen leggur til rættis.
VP vendi sær til tann mest sentrala persónin í sambandi við makrelin, Jacob Vestergaard, at fregnast eitt sindur meira um sendirøðina, men Jacob Vestergaard sigur í stuttari viðmerking, at hann er ikki spurdur um nakað sum helst.
- Eingin frá Kringvarpinum hevur tosað við meg.
- Og eg meti tað er manglandi trúvirði í eini sending um makrelin, tá ið ikki verður tosað við høvuðspersónin, sigur Jacob Vestergaard, fiskimálaráðharri.
Um tú veitst okkurt, sum VP ikki veit - skriva so til vp@vp.fo