Tiltøk
Leygardagin 10.desember verður jólasøla í hugnaligu húsunum hjá Magninu og Rasmusi í Streymnesi.
Gamli Kristian, pápi Rasmus, bygdi húsini í 1895 - seinni er bygt upp í tey. Opið verður frá kl. 17.00 til kl. 19.00.
Tað eru nakrar kvinnur í Hvalvík og Streymnesi sum skipa fyri.
Allur peningurin sum kemur inn fer til nýggja kirkjuhúsið, sum ætlanin er at byggja í Hvalvík.
Alt møguligt verður jólalig hondgjørt og selt. Húsini standa á Neystavegi 3, beint við fríøki hjá kommununi.
Øll eru hjartaliga vælkomin inn á gólvið at hyggja, keypa og fáa eitt hugnaligt prát. Hetta skrivar Sunda kommuna á síni heimasíðu.
Um tú veitst okkurt, sum VP ikki veit - skriva so til vp@vp.fo
