Klokken 09.41 tann 11. september 2001 trýsti Richard Drew á tøkuknøttin á sínum kamera.
Í somu løtu tók hann mynd av einum manni í fríum falli. Aftanfyri hann síggjast gráar og hvítar strípur, framsíðan á bygningunum, sum stutt eftir rapaðu: Twin Towers í World Trade Center.
Í dag eru tað 19 ár síðan, tey bæði tornini í New York City vóru rakt av einum terrorálopi, sum kostaði 2977 menniskjum lívið, broytti heimin og byrjaði "terrorkríggið".
Myndin av manninum í leysari luft var at síggja í fleiri amerikanskum avísum dagarnar eftir álopið, men skjótt var funnist at tí, og var tað sagt vera smakleyst og keynsluleyst at brúka myndina.
So góvust miðlarnir at brúka myndina, og gjørdu hana, sambært myndamanninum Richard Drew, til "kendastu myndina, sum eingin hevði sæð."
Um tú veitst okkurt, sum VP ikki veit - skriva so til vp@vp.fo
