Reyði Krossur ynskir at varpa ljós á týdningin av at duga fyrstuhjálp og at eggja fólki at læra seg fyrstuhjálp, so fleiri lív kunnu bjargast.
Reyði Krossur sóknast tí eftir uppskotum at heiðra sum Ársins Fyrstihjálpari 2021. Tann, sum er í uppskoti, skal í farna ári á serligan hátt hava givið kropsliga ella sálarliga fyrstuhjálp.
Freistin at senda inn uppskot til Ársins Fyrstahjálpara 2021 er 21. januar. Ársins fyrstihjálpari fær heiðursbræv og eina peningagávu, ið Betri letur.
Uppskot kunnu sendast umvegis heimasíðuna (https://redcross.fo/tilnevning/), á redcross@redcross.fo ella sum vanligur postur til Stiðjagøtu 6, 100 Tórshavn.
Ársins Fyrstihjálpari 2021 verður tilnevndur mikudagin 2. februar kl. 15:00 hjá Reyða Krossi í Stiðjagøtu 6 í Tórshavn.
Um tú veitst okkurt, sum VP ikki veit - skriva so til vp@vp.fo
